موقع اخبار كورة - تحدث حازم إمام عضو مجلس إدارة اتحاد الكرة المصري عن صفقة انضمام إمام عاشور لاعب ميتلاند الدنماركي سابقا إلى صفوف الأهلي، مشددا على أنه من حق جمهور الزمالك أن يحزن على تلك الصفقة.

قال حازم إمام في تصريحات تليفزيونية: "من حق جمهور الزمالك إنه يزعل، لاعب كان في الزمالك، والزمالك هو اللي بروزه وطلعه، أكيد الجمهور هيزعل، لكن كصفقة كورة لاعيب كبير وكويس أوي"

وأضاف: "كنت مبسوط باحتراف إمام عاشور جدا، خاصة إن أول ماتش في الدوري الأوروبي، سجل هدفا رائعا، لكن بعد كدة قال إنه زهق ومش عايز يروح، عندنا مواهب زي أوروبا، لكن المشكلة في العقلية"

وعن واقعة اعتداء حسين الشحات لاعب الأهلي على محمد الشيبي لاعب بيراميدز قال: "لقطة ليس لها داعي نهائي، خصوصا إن الأهلي حاسم لقب الدوري، وفي ناس كتير متفرجتش على الماتش، مش عارف ليه الأمور بتطور كدة، خاصة إن في السوشيال ميديا مفيش حاجة بقت بتستخبى، لكن اللقطة شكلها مش حلو، وبنعتذر بالطبع لمحمد الشيبي، وحتى حسين نفسه اعتذرله"

واختتم: "عقوبة حسين الشحات كانت ممكن تبقى أكتر شوية من ماتشين من وجهة نظري، كان لازم رابطة الأندية تُظهر من خلال العقوبة إن اللي حصل ده مش طبيعي، حتى لو العقوبة بعد كدة راحت للجنة الانضباط، خصوصا إن حسين الشحات لاعب كبير"

طالع أيضًا:

ميركاتو 2023| الهلال السعودي يقدم عرضًا خياليا لضم مبابي

إيقاف حسين الشحات مباراتين وتغريمه 20 ألف جنيه

ميركاتو 2023 | سان جيرمان يوجه ضربة جديدة لمبابي وترقب الريال والهلال