موقع اخبار كورة - أكد مصطفى شوبير، حارس مرمى منتخب مصر، أن تأهل الفراعنة إلى كأس العالم 2026 لم يكن سهلًا كما يعتقد البعض، مشيرًا إلى أن المنافسة في التصفيات الإفريقية كانت قوية وصعبة في ظل تطور المنتخبات الإفريقية وامتلاكها العديد من اللاعبين المحترفين. وقال شوبير في تصريحات لقناة "أون سبورت" عقب التأهل: "الناس فاكرة إن ماتشات تصفيات كأس العالم سهلة، لكن الحقيقة إن عندنا لاعيبة كبيرة بتساعدنا نخلي الماتشات أبسط، خصوصًا إن المنتخبات الإفريقية بقى عندها محترفين كتير وده خلى كل الماتشات صعبة جدًا." وعلّق حارس الأهلي على الفيديو المنتشر له مؤخرًا، موضحًا: "مقدرش أهاجم الإعلام، أنا ضد المبدأ ده.. وهروق لما أروح البيت، لكني أكن كل الاحترام والتقدير للإعلام والصحافة". كما تطرق شوبير للحديث عن علاقته بوالده، الإعلامي أحمد شوبير، قائلًا: "والدي قالي من البداية لو غلطت هيحاسبني، وده اتفاق بينا، لكن هو دايمًا بيدافع عن كل الحراس مش عني أنا بس". أما عن المقارنة مع محمد الشناوي، فقال: "مش فاهم ليه دايمًا المقارنة بيني وبين الشناوي، المنافسة بينا في الملعب والمدربين عندهم وجهة نظر، والأهلي عنده حراس جامدين حتى في قطاع الناشئين، وأنا بشوف إن المنافسة دايمًا بتكون في الملعب بس". وتحدث شوبير عن محمد صلاح ودوره داخل المنتخب، مؤكدًا أنه يمثل قدوة للجميع: "محمد صلاح هو اللي زرع فينا الدافع إن كل لاعب لازم يهتم بنفسه ويكون عنده دكتور تغذية ومدرب خاص، وده اللي فارق معانا". واختتم حارس الفراعنة تصريحاته بالتأكيد على طموح الجيل الحالي: "الجيل ده يستحق يتوّج بكأس أمم إفريقيا، وعارفين احنا محتاجين إيه، اللي متعملش في اللي فات قادرين نعمله في اللي جاي". كما أوضح شوبير أن لقطة مصافحته لمحمد صبحي بعد المباراة كانت أمرًا طبيعيًا يعكس روح الزمالة والاحترام بين حراس المنتخب.
