موقع اخبار كورة - علق ناصر ماهر لاعب فريق الزمالك على استبعاده من قائمة المنتخب الأول لمعسكر شهر نوفمبر، المقرر إقامته في الإمارات خلال الفترة من 10 إلى 18 نوفمبر.
وكتب ناصر ماهر عبر حسابه الرسمي على موقع التواصل الاجتماعي "انستجرام":" أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر.
وأضاف :" بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتي الناس العاديه بيتكلموا كويس جدا عن أدائي في الفترة الأخيرة".
واختتم ناصر ماهر:" بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل".
وجاءت القائمة على النحو التالي:
حراسة المرمى: محمد الشناوي – أحمد الشناوي – محمد صبحي – مصطفى شوبير.
خط الدفاع: محمد هاني – محمد حمدي – أحمد فتوح – رامي ربيعة – خالد صبحي – حسام عبد المجيد – محمد إسماعيل.
خط الوسط: مروان عطية – حمدي فتحي – مهند لاشين – محمد شحاتة – محمود صابر – محمود حسن تريزيجيه – إبراهيم عادل – مروان عثمان – عمر مرموش – أحمد سيد زيزو – محمود عبد الحفيظ "زلاكة" – محمد صلاح.
خط الهجوم: أسامة فيصل – صلاح محسن – مصطفى محمد
اخلاء مسئولية! : هذا المحتوى لم يتم انشائة او استضافته بواسطة موقع اخبار الكورة و اي مسؤلية قانونية تقع على عاتق الموقع مصدر الخبر : كورة بلس , يتم جمع الاخبار عن طريق خدمة ال RSS المتاحة مجانا للجمهور من المصدر : كورة بلس مع الحفظ على حقوق الملكية الخاصة بمصدر الخبر.
0 تعليق