سبورت 360- دافع مصطفى شوبير حارس مرمى الفريق الأول لكرة القدم ، عن والده الإعلامي أحمد شوبير، في أزمة اتهامه بالضغوط التي تعرض لها الراحل أحمد رفعت لاعب نادي مودرن سبورت قبل وفاته.
شوبير: اتهامات بدون علم ولا دليل
وكتب شوبير عبر حسابه على موقع التواصل الإجتماعي “إكس”: “اتهامات اتهامات وخوض في ذمم بدون علم ولا أي دليل، أنتوا مفرقتوش عن اللي ظلموا رفعت في حاجة”.
وأضاف: “دلوقتي بتتهموا ناس ظلماً بأذي شخص بدون أي دليل، حتي دي عايزانها أهلي وزمالك وتريند.. شقيق اللاعب طلع وقال اسألوا فلان وذکر أسم شخص، ووكيله كان قاعد وحصلت مواجهه بينه وبين الشخص اللي تم ذكر إسمه.. فين بقي اسم احمد شوبير في جمله مفيدة ؟!!”.
وأكمل: “ولا أخو رفعت ولا وكيله ولا المحامي بتاعه قال حاجة أو ذكر حتي أسم أحمد شوبير زي ما المفبركين بيكتبوا، التريند والاتهامات الباطلة بيعموا الناس، أي حد بيكتب أي حاجة والناس للأسف بتصدقها وخلاص”.
وواصل: “ياريت الناس اللي بتكتب ده درس لينا تبدأ بنفسها الأول ومتظلمش حد تاني بإتهامات باطلة بدون أي دليل لان كده أنت أول واحد متعلمش من اللي حصل وبتكرر الظلم بس بطريقة تانية”.
واختتم حديثه: “استقيموا يرحمكم الله.. وسيبكم من التريند كلنا لله راجعون، اخيرا ربنا يرحمك يا رفعت اكيد انت في مكان احسن، لا تنسوه من صالح دعائكم”.
اخلاء مسئولية! : هذا المحتوى لم يتم انشائة او استضافته بواسطة موقع اخبار الكورة و اي مسؤلية قانونية تقع على عاتق الموقع مصدر الخبر : Sport 360 , يتم جمع الاخبار عن طريق خدمة ال RSS المتاحة مجانا للجمهور من المصدر : Sport 360 مع الحفظ على حقوق الملكية الخاصة بمصدر الخبر.